] iaopan concaoaia vel oncan in necalioa in tlaiecolo yn japaniocan contocaia Auh intla çioatl otlacat ynjc caltiaia imalac ichcauh itzaoalcax ioan ipopouh iochpanoaz ipan contemaia yn jnealtilcax in jnealtilapaz yc qujnextiaia in âcampa ianj cioatzintli çan cali ichan ic çan metlatitlan tlecujlnacazco contocaia yn jxic Auh inin tonalpoalli iuh mjtoaia iehoan intlanextil iehoan qujtemacaque in vmentin teneoalo intoca Oxomoco ioan cipactonal in Oxomoco cioatl inic qujcujloaia auh in Cipactonal oqujchtli jn tonalpouhque catca yn jntonalamauh qujiollotiaia yn jmjxiptla ynepantla qujntlaliaia injc qujcujcujloaia ca iuh mjtoaia vncan tlatoque muchioa yn jpan ixqujch tonalpoalli