138r 931

] mochioa in cacaoatl ioan in teunacaztli ioan quappatlachtli ioan olli vmpa mochioa in iolloxuchitl ioã in ie mochi in nepapan xuchitl ioan vmpa nemj in qualli hivitl in tlaçotli in çaquan in tlauhquechol in teuquechol in xiuhtototl in cochotl in qujlito no vmpa nemj in quetzaltototl no vmpa vitz no vmpa neçi in chalchivitl in teuxivitl no vmpa neçi in coztic in jztac teocujtlatl vel qualca iecca qujtocaiotitivi in vevetque Tlaloca q n necujltonoloia Inique y mjec tlamantli in jnnechichioal cequjntin motlalpiliaia cequjntin moxicoltiaia cequjntin mamamaxtlatiaia auh in çioa vel veveintin tlamachiuhque mocpaimati tulteca vel mozcalianj ca nel noço anaoaca anaoacaçioa xuchitlalpaneca In çioa vnca inmaqujz quen cecen macpalli injc patlaoac [fol r