03 150

{f. 59v col. a} Jnic xiij. ipan mitoa in itelpopochti ioan yn ichpopochtin ynic moapavaya. Jn ichpopochtin, yn telpopochtin, ce^nenca q'ncuitlauitinenca : yn telpochtlato yehoatl quimatia, yn telpochtlato yn aquin, quimacaz, ynic quimomecatiz, yehoatl yn iel y^ motlamachtia, yn mocuiltonoa ; no iehoatl yn noquichtli, yn tequiua, y yauc nemi ; auh ayac ma çan conanaya yn çiuatl ynic quimomecatiz, yntla machoz momecatia yn çiuatl : yn anoço oquichtli, quitzacutiaz, quachichinoloz, vivitecoz ; ioan namoyallo poliui yn itlatqui yn ical ; auh intla omopilhoati yn çivatl yn oq'chpochpan nemi : aucmo ichpochtli quixtilo : auh in imecauh, vcatca, yntlac ce^pa itech açiz tzacuiltiloya quachichinollo viviteco ; moteneua omilamaui, auh yehoatl i, yn ichpochtli : yehoatl quimati yn ita yn aço cana cocchotiz : auh yn iconeuh yn çiuatl, amo, quiuicaya, çan conanaya, yn itta moteneuaya, ytelpochpiltzin. {p. 220} Jn telpochcalli, ynic tlamanca, in telpochtlatoque vncan tlacazcaltiaia vncan tlacauapauaya yn telpochtlatoque, ioan in ichpochtlatoque iehoatl quimati in aquin mutelpochtlaliz, yn anoço ichpochtli im mochpochtlaliz, quachtli quitlaliaya : ioan intetlapalol, quimaca cem acachiquiuitl, in xocotamalli, ioan centetl totolli ypan onotiuh yoan quachtli, vntetl, ixpan contlalia y^ telpochtlato. Auh ça no iuhqui intla tecutli, quimoçiuauhtiz, in ichpochtli yehoatl quitlanilitiuh, in telpochtlato, ioan yn ichpochtlato, quimacatiuh yn itetlapalol, ioan, vntetl quachtli, quiquachyotia, inic quimoçiuauatia. Auh intlacamo, quimati, in telpochtlato, in vncan tecutli niman no yc, totoco in tecutli namoyallo. Auh in aquin amo quiquixtiaia yn ichpoch, no totoco, namoyalloia.