Injn noxocoiouh nochpuchtzin icentlanca icenonqujzca in tlalticpac aoc tle ycuepca aoc tle ipaio intla tittoz intla timachoz ca vtlica tivetztoz ca vtlica tivilantoz vtlica tiquatetzotzonaloz tiquatepipitzinjloz mjtoa tetl ticiecoz tivivilanoz moca maviztli vetziz moca nemauhtiloz auh njman ie tiqujnteiotiz tiqujmjtauhcaiotiz in quatla tiqujmantinemjz in totecujoan in tetecutin in tlatoque in jnpaltzinco timotlacatili in jntechcopa timoqujxti teuhtli tlaçulli ipan ticpixoz in jntlillo yn jntlapallo tiqujmavilqujxtiz vncan onpopoliviz in motlillo in motlapallo aocmo tinecujtiloz mopan mjtoz titeneoaloz titocaiotiloz Teuhtitlan tactoc
