=055 in Tlalloque in tonacayotl in iztac in yahuitl, in coztic, in xiuhtoctli, in etl in huauhtli in chian in michihuauhtli, ixquich namoyaloc in tonacayotl.
Inin tonatiuh itoca na{hui} Ollin, inin yehuanti totonatiuh in ton nei mi axcan, auh inin inezca in nicanca inic tlapanhuetz in tonatiuh in teotexcalco in oncan in Teotihuacan, ° ye no ye itonatiuh catca in topiltzin in Tollan in Quetzalcohuatl, auh inin ayamo tonatiuh itoca catca {inicuac in} Nanahuatl onpa ichan catca in tamoanchan Quauhtli Ocelotl Tlotli cuitlachtli. in chicuacen Ecatl, in chiquacen Xochitl iyontlixti initoca in tonatiuh, ° auh in nican catqui motenehua teotexcalli nauh xihuitl in tlatlac. Auh in tonacateuctli, ihuan in Xiuhteuctli niman ye quinahuatia in Nanahuatl quilhuique, oc tehuatl ticpiaz in ilhuicatl in tlalli, auh niman zan tlaocox quito tleni quitoaca nemi in teteo canicocoxcatzintli, ° auh no nipa quinahuatia in nahui tecpatl yehuatl in metztli, yehuatl in quinahuati Tlalocanteuctli, ±122 ihuan Napateuctli, auh in Nanahuatl niman ye mocahua concuic in ihuitz in iacxoyauh nimaye conitzyotia in Metztli quimacehua nimaye maltia in nanahuatl in yacato, auh zatepan in maltia in Metztli quetzalli ini acxoyauh chalchihuitl inihuitz chalchihuitl in quitlenamaca, ° auh in oquiz in nahuilhuitl, nima ye quipotonia ye quitizahuia in nanahuatl, niman ye ic yauh in tleco huetziz, auh in nahui tecpatl, oc quicihuapan cuicatia niman ic huetzito in nanahuatl in tleco, auh in Metztli niman ye ic yauh za nexpan in huetzito, auh in yeyauh, auh in quauhtli huel quimotzollo huel quihuicac, auh in Ocelotl amo huel quihuicac zan quicholhui itech moquetz in tletl inic cuicuiliuh quin on compochehuac in tlotli quin oncan chichinauh in cuetlachtli amo huel quihuicaque inimeicotin auh in oacic inilhuicac, niman yeic caltia in tonacateuctli in tonacacihuatl, nimaye ic quitlallia Quecholicpalpan, niman tentlapaltica quiqua quimilloque, niman ye mocahua in Nahuilhuitl in ilhuicac ° auh niman ic ipan momanaco Naollin, (fol. 78) auh nahuilhuiti in amo Ollin in zan mani, niman ye quitoa in teteo tleica in amo Ollini, nimaye ¾055 conihua in itztlotli quilhuito in Tonatiuh quitlatlanito quilhuia quihuallitoa in teteo tlaxocan tlatlani tleica in amo ollini, niman quito in tonatiuh, auh tleica cano conitlani inimezo inin tlapallo inin tlacoca, ° niman ye mononotza in teteo, auh niman ye quallani in tlahuizcalpanteuctli ye quitoa auh tleica manic minamaca ce niman momanani nimaye quimina amo huel quimin yeyequimina in tlahuizcalpan teuctli ye ic quimina in cuezahmamazzo inimiuh tonatiuh, auh niman ic quihuallixtlapacho in chiucnauh nepanyuhqui ca yehuatl in tlahuizcalpanteuctli in cetl, auh niman ye nepantillo in teteo ° in Titlacahuan in Huitzilopochtli, auh in cihua in Xochiquetzal Yapaliicue Nochpalli icue, niman yeic Teomicohua in yeye oncan in Teotihuacan. Auh iniquac in oya in ilhuicac in tonatiuh, niman ye yauh in Metztli, zan nexpan in huetzito, auh in ocuacic in ilhuicatenco, niman tochtecomatica conixama nico in paxaztoc, auh niman connamiquico omaxac in tzitzimime in colelletin, auh conilhuique ° ca ye nipa in timohuicaz oc ompa quihuecahuato za tzotzomatli in coniilpillito, auh iniquac in hualmoman tonatiuh in nauh ollin, zan no iquac in conmanaco ye teotlac.
Xicococ
Chimalman Mixcoatl
Ce acatl
Topiltzin
39
Cohuacalli Ce tecpatl
52 años
Ce acatl Topiltzin Chalchiuhcalli
Teocuitlacalli Tollan Xiuhcalli
° Auh inic nenca Mixcoatl cempohual xihuitl ipan caxtolxihuitl yeno ipan nauh xihuitl, auh inicihuauh itoca Chimalman, auh in tolpiltzin ompohual xiuhti on caxtolli ipan ce xihuitl, ° zan no ce acatl inic ollin inic ya, inic
