=060 onoca 13 tochtli.
Auh izcatqui inic onoca in Colhuacan in Tizaapan cempohualxihuitl on macuilli.
Auh in oyaque in Tolteca inipan ce tecpatl, zan no ipanin huall ollinque in Mexica in ompa Xicococ cenpohual xihuitl on caxtolli omome inic onacico in Chapoltepec, ° auh in oncan Chapoltepec ompohualxiuhtique, niman ye quin tetlaquehuia in Colhua quin tlaquehuato in Xaltocamecatl oncan itlamotecaco in Mexica yuh quilhuia, zan nican amotlantzinco ni cochiz ca nechca ni yauh, niman ye oncan itlan cochi oncacan yuhqui inic quipiato, auh niman ye huallehua in Colhua nimayeic quinamiqui quitoca ticallac inichan in Colhua, auh in Xaltocamecatl ihuan Quauhtitlancalqui, (fol. 84) ihuan Acolhua, ihuan Tenayo, ihuan Azcapotzalcatl, ihuan Quahuacaa ihuan Mazahuaca, ihuan Xiquipilcatl, ihuan Matlatzincatl, ihuan Ocuiltecatl, ihuan Cuitlahuacatl, Xochmilcatl {xalmicatl}, ° auh oc cequiutin oncan tlapiaya in Colhuaque yehuantin in Cacique in Huitzillihuitl, niman ye ic namoyallo in Mexica in cihuatl in piltzintli, auh in occequintin maquizque Mexica Tolla motecato in Acocolco chiquacemilhuitique.
Auh izcatqui inic tlaltech acico in nican Tenochtitlan in zanoc Tolla in zanoc Atlatla in oncan tlaiyohuique ompohual xihuitl on matlactli in ayac in tlatocauh catca in zanoc Mixcahuique in Mexica 51 - 2 calli, Colhuacan, Tenayocan, ° auh nican catqui inin tepehual mochiuh in Mexica Colhuacan, ihuan Tenayocan zan ocan.
{1} Auh quin oncan inin motlatocatlalli in tlacatl in Acamapichtli cempohualxihuitl oce in tlato 21 - 1 tecpatl, Xochmilco, Cuitlahuac, Quauhnahuac, Mizquic.
Auh izcatqui initepehual ±128 in quipeuh Xochmilco, ihuan Cuitlahuac, ihuan Mizquic, ihuan Quauhnahuac nauhcan in tepeuh in Acamapich.
{2} Auh izcatqui inic tlato in ipiltzin in Acamapichtli itoca Huitzillihuitl cempohual xihuitl oce inic tlato 21, 9 calli, Xaltocan, Acolman, Otompan, Chalco, Tetzcoco, ¾060 Tollantzinco, Quauhtitlan, Toltitlan, auh izcatqui in itepehual mochiuh chicueyocan in altepetl in quipeuh in Huitzillihuitl.
{3} Auh izcatqui inic tlato in ipiltzin in Huitzillihuitl itoca Chimalpopocatzin inic catca matlac xihuitl inic tlatocat, Chalco, Tequixquiac 20 xihuitl 4 tochtli, auh izcatqui initepehual cecan in altepetl quipeuh Chimalpopocatzin.
° {4} Auh izcatqui inictlatocat inipiltzin Acamapichtli itoca Itzcohuatzin, auh inic tlatocat matlac xihuitl ipan exihuitl, 13, 1 tecpatl. Auh izquican itepehual mochiuh in Itzcoatzin, Azcapotzalco, Tlacopan, Atlacuihuayan, Coyohuacan, Mixcohuac, Quauhximalpan, Quahuacan, Teocalhuiyocan {Teocolhuacan}, Tecpan, Huitzitzillapan, Quauhnahuac, Tetzcoco, Quauhtitlan, Xochmilco, Cuitlahuac, Mizquic, Tlatelolco, Itztepec, Xiuhtepec, Tzacualpan, Chalco, Yohuallan, Tepequacuilco, Cuezallan {cuezollan}.
{5} Auh izcatqui inic tlatocat in ipiltzin in Huitzillihuitl itoca Ilhuicaminatzin Huehue Moteuczomatzin, auh inic tlatocat cempohual xihuitl on chiucnahui inic catca 29, 1 calli, auh izcatqui in itepehual mochiuh in huehue Moteuczomatzin Coaixtlahuacan, Chalco, Chiconquiyauhco, Tepoztlan, Yauhtepec, Atlatlauhcan, Totollapan, Huaxtepec, Tecpatepec, Yohualtepec, Xiuhtepec, Quiyauhteopan, Tlalcozauhtitlan, Tlachco, Quauhnahuac, Tepequacuilco, Cohuatlan, Xillotepec, Itzcuincuitlapilco, Tlapacoyan, Chapolicxitla, Tlatlauhquitepec, Yacapichtlan, Quauhtochco, Cuetlaxtlan. ° {6} Auh izcatqui inic tlatocat inimixhuiuh in omentin tlatoque in huehue Moteuczomatzin, ihuan in Itzcohuatzin itoca Axayacatzin matlacxihuitl omome inic tlato 12. 4 tochtli, auh initepehual izquican inin Axayacatzin, Tlatilolco, Matlatzinco, Xiquipilco, Tzinacantepec, Tlacotepec, Tenantzinco, Xochiyacan, Teotenanco, Calliimayan, Metepec, Ocoyacac, Capolloac {Copello¨¨¨}, Atlapolco,